پاکستان رواں سال بلائنڈ ٹی 20 کرکٹ ورلڈ کپ کی میزبانی کرے گا اور میگا ایونٹ میں بھارتی ٹیم بھی شرکت کرے گی۔
اے آر وائی نیوز کے مطابق پاکستان کو پاکستان کو رواں سال بلائنڈ ٹی ٹوئنٹی کرکٹ ورلڈ کپ کی میزبانی کرنی ہے۔ میگا ایونٹ میں قومی ٹیم کا بہترین کامبی نیشن بنانے کے لیے تیاریاں شروع کر دی گئی ہیں۔ اس ٹورنامنٹ میں بھارتی ٹیم بھی شرکت کرے گی۔
بلائنڈ ٹی 20 ورلڈ کپ رواں سال 18 نومبر سے 3 دسمبر تک کھیلا جائے گا جس میں میزبان پاکستان اور اس کے روایتی حریف بھارت سمیت 7 ٹیمیں شرکت کریں گے۔
پاکستان میگا ایونٹ کے لیے تیاریوں کا آغاز بھی کر دیا ہے۔ اس کے لیے بلائنڈ کرکٹ ٹورنامنٹ کا انعقاد کیا گیا۔ منفرد طرز کی کرکٹ میں دلچسپ مقابلے ہوئے جس میں بیٹنگ، فیلڈنگ اور بولنگ تینوں شعبوں میں کھلاڑیوں نے خوب جان ماری۔
ورلڈ بلائنڈ کرکٹ کونسل کے صدر سلطان شاہ نے بتایا کہ سندھ حکومت کی جانب سے ٹی ٹوئنٹی ورلڈ کپ کرانے کیلیے مثبت جواب ملا ہے اور کھلاڑیوں کو ہے یقین کہ پاکستان کی ٹیم ہوم گراونڈ پر ورلڈ چیمپیئن بننے گی۔
