مقبوضہ کشمیرمیں ایک ماہ کے دوران 21 کشمیری شہید -
The news is by your side.

Advertisement

مقبوضہ کشمیرمیں ایک ماہ کے دوران 21 کشمیری شہید

سرینگر: مقبوضہ کشمیر میں قابض بھارتی فوج نے گزشتہ ماہ 21 کشمیریوں کو شہید جبکہ 310 افراد کو زخمی کردیا۔

کشمیر میڈیا سروس کے مطابق قابض بھارتی فوج نے مقبوضہ وادی میں جولائی کے ماہ میں 21 نہتے کشمیریوں کو شہید کیا جبکہ بھارتی فوج کی بربریت سے 310 کشمیری شدید زخمی ہوئے۔

کشمیری نوجوانوں کی شہادت پراحتجاج کرنے والے شہریوں پربھارتی فوج کی جانب سے پیلٹ گنوں، آنسو گیس شیلنگ اور لاٹھی چارج کا استعمال کیا گیا جس کی زد میں آکر310 افراد زخمی ہوئے جن میں بڑی تعداد خواتین اور بچوں کی ہے۔

کشمیر میڈیا سروس کے مطابق بھارتی فوج نے جولائی میں حریت رہنماؤں سمیت 169 افراد کو گرفتار کیا اورمحاصروں کے دوران 46 گھروں کو تباہ کیا۔

خیال رہے کہ گزشتہ ماہ کے آغاز میں دختران ملت کی چیئرپرسن آسیہ اندرابی کو سری نگرجیل سے نئی دہلی کی تہار جیل منتقل کیا گیا۔

عالمی برادری مقبوضہ کشمیر میں مظالم پر گونگی بہری بنی ہوئی ہے‘ مشعال ملک

واضح رہے کہ گزشتہ ہفتے حریت رہنما یاسین ملک کی اہلیہ مشعال ملک کا کہنا تھا کہ عالمی برادری مقبوضہ کشمیر میں مظالم پر گونگی بہری بنی ہوئی ہے، یورپین پارلیمنٹیرینز اپنی پارلیمنٹ مین مسئلہ کشمیر بھرپور اجاگر کریں۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں