جموں و کشمیر: مقبوضہ کشمیر میں قابض بھارتی فوج نے کشمیر کے 3 نہتے نوجوانوں کو شہید کردیا۔
کشمیر میڈیا سروس کے مطابق غیر قانونی طور پر مقبوضہ جموں و کشمیر میں بھارتی فوجیوں نے اپنی ریاستی دہشت گردی کی تازہ کارروائی میں آج ضلع جموں میں 3کشمیری نوجوانوں کو شہید کر دیا۔
فوجیوں نے نوجوانوں کو محاصرے اور تلاشی کی کارروائی کی آڑ میں ایک جعلی مقابلے میں اس وقت شہید کیا جب وہ ضلع کے علاقے سدرہ میں ایک ٹرک میں سفر کر رہے تھے۔
- Advertisement -
بھارتی پولیس نے ان کے قتل کا جواز پیش کرنے کے لیے متاثرین کو عسکریت پسند قرار دیا۔
اس کے علاوہ کشمیر میں بھارتی پولیس نے ضلع بڈگام کے علاقے چاڈورہ میں رات کی تاریکی میں ایک گھر میں گھس کر ایک خاتون سمیت تین افراد کو گرفتارکرلیا جبکہ ایک نوجوان کشمیری بھی 5 دن سے لاپتہ ہے۔
