بھارت کا بجٹ جنگی جنون کا آئینہ دار بن چکا اور دفاعی بجٹ 77 ارب ڈالر سے تجاوز کر گیا ہے گزشتہ 10 سال میں 170 فیصد اضافہ ہوا ہے۔
بھارت میں اس وقت جنگی جنون کا شکار مودی حکومت مسلسل 12 سال سے برسر اقتدار ہے اور ہندوستان کا بجٹ جنگی جنون کا آئینہ دار بن چکا ہے۔ بھارت کا دفاعی بجٹ 77 ارب ڈالر سے تجاوز کر گیا ہے اور مودی کے دور میں 10 سال کے دوران اس میں 170 فیصد اضافہ ہوا ہے۔
بھارت کا بڑھتا دفاعی بجٹ پاکستان مخالف حکمت عملی پر مبنی ہے۔ وہ اسرائیلی ساختہ خودکش ڈرونز کا استعمال کر رہا ہے۔ سائبر، ڈرون، اور اےآئی جیسے ہتھیار بھارت کی ترجیح ہیں۔ پاکستانی سرحد پر بھارت کی جنگی مشقوں کا انعقاد تشویشناک ہے۔
بھارت رافیل، میراج اور سخوئی طیارے پاکستان کیخلاف استعمال کی تیاری کر رہا ہے اور آئی اسٹار طیاروں سے فضائی برتری کا خواب دیکھ رہا ہے۔
دوسری جانب پاکستان کا دفاعی بجٹ بھارت کے مقابلے میں بہت کم مگر افواج کا کردار تاریخی ہے۔ پاکستان کے دفاعی بجٹ کی ترجیحات میں تنخواہیں، شہدا فنڈ اور ویلفیئر شامل ہے۔ کم وسائل کے باوجود پاکستان نے دہشتگردگی کو شکست دی۔ جدید جنگوں میں دفاع کیلیے پاکستان کو ٹیکنالوجی اپ گریڈ کرنا ہوگی۔
پاکستان کو سائبر وار اور اے آئی میں فوری سرمایہ کاری کی ضرورت ہے اور چین کے ساتھ دفاعی معاہدے پاکستان کی دفاعی مجبوری بن چکے ہیں۔ جے 35، ایچ کیو 19، کے جے 500 جیسے ہتھیار وقت کی اہم ضرورت ہیں۔
بھارتی بجٹ جتنا بڑا ہے، اتنے ہی پاکستان کے لیے چیلنجز بھی ہیں۔ پاکستان کا بجٹ کم ضرور، مگر دفاع ناقابل تسخیر بنانے کا عزم برقرار ہے۔ تاہم بھارتی عزائم کو روکنے کیلیے دفاعی بجٹ میں کچھ نہ کچھ اضافہ ناگزیر ہے۔
