site
stats
اہم ترین

بھارتی واٹر کمیشن مذاکرات کے لیے پاکستان آنے پر رضا مند

اسلام آباد: بھارتی واٹر کمیشن مذاکرات کے لیے پاکستان آنے پر رضا مند ہوگیا، وفد مارچ کے آخری ہفتے میں پاکستان پہنچے گا۔

اے آر وائی نیوز لاہور کے نمائندہ مظہر اقبال کے مطابق بھارت نے سندھ طاس معاہدے کی خلاف ورزی کی تھی جس پر بھارت نے احتجاج کیا تھا اب بھارتی واٹر کمیشن پاکستان آنے پر راضی ہوگیا ہے،پاک بھارت آبی تنازعات نمٹانے کے لیے قومی امکان ہے کہ 25 مارچ کو لاہور میں دونوں ممالک کے درمیان اہم اجلاس منعقد ہوگا۔


پاکستان نے دریائے نیلم پر کشن گنگا اور دریائے چناب پر رتلہ ڈیم کے ڈیزائن پر اعتراض کیا تھا جس پر بھارت نے کئی بار جواب نہیں دیا لیکن اب بھارت راضی ہوگیا ہے کہ وہ بات چیت کے لیے لاہور آئے گا،مذاکرات میں بھارت سے کشن گنگا اور رتلہ ڈیم کے ڈیزائن پر بات ہوگی۔

خیال رہے کہ بھارتی وفد کو مارچ کے پہلے ہفتے میں پاکستان آنا تھا تاہم اترپردیش میں ہونے والے الیکشن کے باعث یہ وفد اب مارچ کے آخر میں پاکستان پہنچے گا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top