ویرولف سنڈروم نامی بیماری کا شکار بھارتی نوجوان کا چہرہ بالوں سے بھراہوا ہے، اس نے چہرے پر بالوں کا گنیز ورلڈ ریکارڈ قائم کردیا۔
بھارتی ریاست مدھیہ پردیش سے تعلق رکھنے والے 18 سالہ نوجوان اس وقت ایسے مرد ہیں جن کے چہرے پر سب سے زیادہ بال ہیں اور انھوں نے چہرے پر بالوں کا گنیز ورلڈ ریکارڈ قائم کیا ہے، للت پاٹیدار ہائپرٹرائیکوسس نامی ایک نایاب بیماری میں مبتلا ہیں۔
للت جس عجیب بیماری کا شاکر ہیں اسے ‘ویروولف سنڈروم’ بھی کہا جاتا ہے، دنیا بھر میں صرف 50 کیسز ایسے رپورٹ ہوئے ہیں جن میں مرد اس حالت کا شکار ہیں۔
اس بیماری میں چہرے پر غیر معمولی مقدار میں بال اگنے کا سبب بنتے ہیں، گنیز ورلڈ ریکارڈ کے مطابق للت پاٹیدار کے 201.72 بال فی مربع سینٹی میٹر ہیں، جو اس کے چہرے کا 95 فیصد احاطہ کرتے ہیں۔
تاہم اس ناقابل یقین ریکارڈ کو حاصل کرنے والے للت کو کافی مشکلات درپیش رہیں، ظاہری شکل پر اکثر اجنبیوں اور ہم جماعتوں کی طرف سے انیھں تکلیف دہ تبصرے کا سامنا کرنا پڑتا تھا۔
نوجوان للت نے گنیز ورلڈ ریکاڈ سے گفتگو میں بتایا کہ لوگ مجھ سے خوفزدہ تھے لیکن جب انھوں نے مجھے جاننا شروع کیا اور مجھ سے بات کرنا شروع کی تو وہ سمجھ گئے کہ میں ان سے اتنا مختلف نہیں ہوں۔
انھوں نے کہا کہ ایسا صرف باہر سے تھا کہ میں عام انسانوں سے مختلف نظر آتا تھا، لیکن میں اندر سے مختلف نہیں ہوں۔
