بھارت کی ریاست کرناٹک کے شہر بنگلورو میں پولیس نے 23 سالہ یوٹیوبر وکاس گوڈا کو کیمپگوڈا انٹرنینشل ایئرپورٹ پر انوکھی حرکت کرنے کے جرم میں گرفتار کر لیا۔
میڈیا رپورٹس کے مطابق وکاس گوڈا کی گرفتار اُس وقت عمل میں لائی گئی جب کیمپگوڈا انٹرنینشل ایئرپورٹ کی سکیورٹی نے پولیس میں شکایت درج کروائی کہ ملزم نے ہوائی اڈے پر 24 گھنٹے گزانے کا غلط دعویٰ کیا اور سکیورٹی پروٹوکول کی خلاف ورزی کی۔
ملزم 7 اپریل کو ایئر انڈیا کی بنگالورو سے چینائی فلائٹ کی ٹکٹ لیے ہوائی اڈے میں داخل ہوا لیکن پرواز میں سوار ہونے کے بجائے وہ ہوائی اڈے پر گھومتا رہا اور موبائل فون سے ویلاگ ریکارڈ کرتا رہا۔
اس نے پانچ دن بعد اپنے یوٹیوب چینل پر 24 گھنٹے پر مشتمل ویلاگ اپلوڈ کیا جس میں اس کا کہنا تھا کہ ایئرپورٹ پر کوئی مجھ سے پوچھنے والا نہیں تھا اور سکیورٹی اہلکاروں نے بھی مجھ سے کوئی سوال نہیں کیا۔
جب معاملہ 15 اپریل کو ایئرپورٹ انتظامیہ کے علم میں آیا تو انہوں نے پولیس میں یوٹیوبر کے خلاف شکایت درج کرروائی جس کے بعد اسے گرفتار کیا گیا۔
دراصل یوٹیوبر کے ویلاگ نے ایئرپورٹ پر سکیورٹی کے ناقص انتظامات کا راز فاش کیا۔ اس واقعے نے سخت حفاظتی پروٹوکول کی اہمیت اور ہوائی اڈوں کو ممکنہ خطرات کے خلاف چوکس رہنے کی ضرورت پر زور دیا۔
