امریکا سے گزشتہ روز غیر قانونی مقیم 100 سے زائد ڈی پورٹ کیے گئے شہریوں پر صرف امریکا ہی نہیں بلکہ 20 دیگر ممالک کے دروازے بھی بند ہو گئے۔
امریکا کے صدر ڈونلڈ ٹرمپ نے اقتدار سنبھالتے ہی امریکا میں مقیم غیر قانونی تارکین وطن کو ان کے اصل ممالک میں بھیجنا شروع کر دیا ہے۔ گزشتہ روز 100 سے زائد بھارتی شہریوں کو پیروں میں زنجیر باندھ کر فوجی طیارے میں بھارت واپس بھیجا گیا۔
بھارتی میڈیا کے مطابق ڈی پورٹ کیے گئے یہ شہری اب امریکا تو کیا دیگر 20 ممالک میں بھی قدم نہیں رکھ سکیں گے۔
ان ممالک میں کینیڈا، نیوزی لینڈ، آسٹریلیا، برطانیہ سمیت 20 دیگر ممالک شامل ہیں۔
اس کی وجہ یہ ہے کہ مذکورہ ممالک امریکا کی ویزا پالیسی پر عمل کرتے ہیں اور جس شخص کے امریکا میں داخلے پر پابندی ہو، وہ ان ممالک میں بھی داخل نہیں ہو سکتا۔
امریکا نے بھارتی شہریوں کو فوجی طیارے میں بٹھا کر واپس بھجوا دیا
