نئی دہلی : بھارت کا مشہور سیاحتی ساحل زہریلی جھاگ سے سفید ہوگیا، جس سے جلدی امراض پھیلنے کا خدشہ ہے تاہم اس کے باوجود سیاحوں کی بڑی تعداد مرینا ساحل کا رخ کررہی ہے۔
تفصیلات کے مطابق بھارت ان دنوں فضائی آلودگی کی لپیٹ میں ہے اور دارالحکومت نئی دہلی میں ائیر کوالٹی انڈیکس خطرناک حد سے بھی تجاوز کر چکا ہے، ایسے میں بھارت ریاست تامل ناڈو کے شہر چنئی کے مشہور ساحتی ساحل پر زہریلی جھاگ نے بھارت میں آلودگی کے خطرات میں مزید اضافہ کر دیا ہے۔
بھارتی میڈیا کے مطابق مسلسل چوتھے روز چنئی کے ساحل پر کئی کلو میٹر کے رقبے پر زہریلی جھاگ دیکھی جا رہی ہے جس سے ساحل سفید نظر آ رہا ہے تاہم حکام ابھی تک جھاگ بننے کی وجہ معلوم کرنے میں ناکام ہیں۔
Children are seen playing in a toxic foamy discharge at Marina beach in Chennai, #India, oblivious to its dangers. The frothing foam is generated by pollutants mixing with seawater. pic.twitter.com/2zyI5hSVAG
— Global Times (@globaltimesnews) December 2, 2019
ڈاکٹرز کی جانب سے زہریلی جھاگ سے جِلدی امراض کے خدشے کے باوجود سیاحوں کی بڑی تعداد زہریلے جھاگ کے ساتھ سیلفیاں بنا رہی ہے اور بچے جھاگ میں کھیل کود رہے ہیں۔
نامل ناڈو پلوشن کنٹرول بورڈ کے حکام کی جانب سے زہریلی جھاگ کے نمونے جمع کرکے اس کا جائزہ لیا جارہا ہے اور اس دوران ماہی گیروں کو بھی سمندر میں جانے سے منع کردیا گیا ہے۔
واضح رہے کہ سنہ 2017 میں بھی اسی موسم میں آلودگی کے باعث کافی تعداد میں مچھلیاں مرگئی تھی اسی لیے حکام کو رواں برس الرٹ جاری کردیا گیا ہے۔
خیال رہے کہ چنئی کا مرینا ساحل ایک صدی سے زائد عرصے سے سیاحوں کی توجہ کا مرکز ہے جہاں ویک اینڈ پر ہزاروں کی تعداد میں سیاح سیرو تفریح کے لیے آتے ہیں۔