بھارتی فلم انڈسٹری کی ایک مووی ایسی بھی ہے جو اپنے بہت بڑے بجٹ اور دیوالی کے موقع پر ریلیز ہونے کے باوجود بدتری ناکامی سے دوچار ہوئی۔
دیوالی پر کچھ سال اس وقت تک کی بھارت کی سب سے مہنگی فلم ریلیز کی گئی تھی جس میں بالی ووڈ کے تین بہت بڑے سپراسٹارز امیتابھ بچن، عامر خان اور کترینہ کیف شامل تھے، تاہم یہ فلم منافع کمانا تو بہت دور باکس آفس پر اپنے بجٹ جتنی کمائی کرنے میں بھی ناکام رہی تھی۔
بھارتی شائقین کو عام طور پر دیوالی کے تہورا پر نئی فلموں کا بے چینی سے انتظار رہتا ہے اور اپنے دور میں سب سے بڑی بجٹ سے بننے والی فلم ’ٹھگز آف ہندوستان‘ کے میکرز کو اس بات کی توقع نہیں تھی کہ یہ فلم سپر فلام ہوجائے گی۔
مسٹر پرفیکشنسٹ عامر خان، میگا اسٹار امیتابھ بچن اور بالی ووڈ کی باربی ڈول کترینہ کیف کی موجودگی کے باوجود کچھ سالوں پہلے دیوالی کے موقع پر ریلیز ہونے والی ’ٹھگز آف ہندوستان‘ اتنی بری طرح پٹی کہ ماہرین حیران رہ گئے تھے۔
وجے کرشنا اچاریہ کی ٹھگ آف ہندوستان باکس آفس پر پہلے دن 52 کروڑ کی خطیر کمائی کرنے کے باوجود یوں ڈوب جائے گی کسی کو توقع نہ تھی۔
2018 میں ریلیز ہونے والی فلم کا بجٹ 300 کروڑ بھارتی روپے تھے اور اسے ہٹ ہونے کے لیے بھارتی سینما سے کم از کم 500 کروڑ کی کمائی کرنی تھی، تاہم فلم نے اپنی لائف ٹائم میں صرف 151 کروڑ روپے ہی کمائے۔
فلم کو شائقین نے اس قدر ناپسند کیا تھا کہ محض دوسرے ہفتے میں اس کی باکس آفس کمائی صرف ایک کروڑ کے قریب پہنچی تھی جس کے کچھ دنوں بعد اسے سینماؤں سے اتار دیا گیا تھا۔
فلم نے مجموعی طور پر دنیا بھر سے صرف 322 کروڑ بھاررتی روپے کمائے تھے جبکہ فلم کے دوسرے ہفتے میں ہی ڈسٹری بیوٹرز اور سینما مالکان نے یش راج فلمز اور عامر خان کو اپنے نقصان کا ذمہ دار قرار دینا شروع کردیا تھا۔
