The news is by your side.

Advertisement

بہادرآباد سے اغوا ہونے والی شیرخوار بچی کورنگی سے بازیاب

کراچی : اے وی سی سی نے انٹیلی جنس معلومات پر کارروائی کرتے ہوئے کورنگی سے تین ماہ کی بچی بازیاب کرالی۔

تفصیلات کے مطاقب اینٹی وائلنٹ کرائم سیل کی جانب سے خفیہ اطلاعات پر کورنگی نمبر 5 میں کارروائی کرتے ہوئے ایک ماہ قبل چار مینار چورنگی بہادر آباد سے اغوا ہونے والی 3 ماہ کی بچی بازیاب کرالی۔

پولیس کا کہنا ہے کہ بچی کے اغوا میں ملوث خاتون کو گرفتار کرلیا گیا ہے، ملزمہ نے بہانے سے بچی کو والدہ سے لیا اور فرار ہوگئی تھی۔

ملزمہ نے پولیس کو جاری بیان میں بتایا کہ شادی کو چھ سال ہوچکے ہیں لیکن اولاد نہیں ہوئی، بے اولادی کے سبب اغوا کا انتہائی قدم اٹھایا۔

Comments

یہ بھی پڑھیں