اسلام آباد : پاکستان کی معیشت استحکام کی جانب گامزن ہے ، 2024 مہنگائی ساڑھے 3 سال کی کم ترین سطح تک پہنچ گئی۔
تفصیلات کے مطابق کنزیومر کانفیڈنس انڈیکس سروے نے اپنی چوتھی سہ ماہی رپورٹ جاری کردی، جس میں بتایا کہ پاکستان کی معیشت میں گزشتہ سال کے دوران قابل ذکر بہتری آئی اور پاکستان اسٹاک مارکیٹ میں بدستور تیزی کا رجحان ہے۔
سروے رپورٹ میں کہا گیا کہچوتھی سہ ماہی کے سروے نتائج میں کئی اقتصادی ریکارڈز بھی قائم ہوئے،چوتھی سہ ماہی میں پاکستان کی مزید اقتصادی بہتری کا امکان ہے۔
رپورٹ میں کہنا تھا کہ پاکستان میں 2024 میں مہنگائی ساڑھے3سال کی کم ترین سطح تک پہنچ گئی ، ستمبر 2023 کے بعد اقتصادی حالت مضبوط قرار دینے والے عوام کی تعداد میں 4 گنا اضافہ ہوا ہے۔
رپورٹ میں کہا کہ معیشت کے حوالے سے 19فیصد افراد اگلے6ماہ میں بہتری کی توقع رکھتے ہیں، پاکستان نے پہلی بارترکیہ کو عالمی صارف اعتماد کے انڈیکس میں پیچھے چھوڑا۔
سروے رپورٹ کے مطابق پاکستان میں ملازمت کے تحفظ پر اعتماد میں مسلسل استحکام دیکھنے کو مل رہا ہے، پاکستانیوں کی گھریلو خریداری کی صلاحیت میں6پوائنٹس کی بہتری آئی اور مقامی اقتصادی حالات پر پاکستانیوں کا اعتماد20فیصد بڑھا،عدم اعتماد میں نمایاں کمی ہوئی۔
اپسوس گلوبل کنزیومرکا نفیڈنس انڈیکس ایک اہم سروے ہے، اپسوس سروسے صارفین کے معاشی حالات اور سرمایہ کاری کی صلاحیت کو اجاگر کرتا ہے۔
