23.3 C
Ashburn
ہفتہ, مئی 25, 2024
اشتہار

مہنگائی مارچ، راہول گاندھی اور پرینکا گاندھی گرفتار

اشتہار

حیرت انگیز

نئی دہلی: مہنگائی کے خلاف کانگریس کے احتجاجی مارچ پر پولیس نے دھاوا بول دیا، راہول اور پرینکا گاندھی سمیت کئی رہنما دھرلئے گئے۔

بھارتی میڈیا رپورٹ کے مطابق راہول گاندھی کانگریس کے ارکان پارلیمنٹ کے ہمراہ پارلیمنٹ ہاؤس سے راشٹرپتی بھون تک مہنگائی مارچ کی قیادت کررہے تھے کہ وجے چوک پولیس نے انہیں روک لیا۔

رپورٹ کے مطابق کانگریس رہنماؤں نے پولیس حصار کو توڑ کر آگے بڑھنے کی کوشش کی تو اسی دوران پولیس نے لاٹھی چارج کرڈالا اور راہول اور پریانکا گاندھی سمیت کئی رہنماؤں کو گرفتار کرلیا۔

- Advertisement -

مہنگائی مارچ کے آغاز پر راہول گاندھی نے پریس کانفرنس کرتے ہوئے کہا تھا کہ میں سچ بولتا ہوں تو میرے پیچھے ایجنسیاں لگا دی جاتی ہیں، لیکن میں سچ بولنے سے نہیں ڈرتا، میں جتنا سچ بولوں گا، مجھ پر اتنے ہی حملے ہوں گے لیکن میں ان سے نہیں ڈرتا۔

یہ بھی پڑھیں: بی جے پی نے بھارتی معیشت کو تباہ کردیا، راہول گاندھی

راہول گاندھی کا کہنا تھا کہ آج ملک میں جمہوریت کی موت ہوچکی، جو اس ملک میں ستر سالوں میں بنایا گیا تھا اسے آٹھ سال میں ختم کردیا گیا، آج ہندوستان میں جمہوریت نہیں ہے بلکہ چار لوگوں سلطنت بن گئی۔

انہوں نے مزید کہا کہ ہم مہنگائی، بے روزگاری، سماج کو تقسیم کرنے پر پارلیمنٹ میں بحث کرنا چاہتے ہیں لیکن ہمیں بولنے نہیں دیا جاتا بلکہ ہمیں گرفتار کیا جاتا ہے۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں