پاکستان میں ہفتہ وار بنیاد پر مہنگائی کی شرح میں 1.92 فیصد کمی ہوگئی۔

ادارہ شماریات نے ہفتہ وار مہنگائی سے متعلق رپورٹ جاری رکدی جس کے مطابق مہنگائی کی مجموعی سالانہ شرح منفی 3.52 فیصد ریکارڈ کی گئی۔

ایک ہفتے میں 11 اشیا مہنگی اور 18 سستی ہوئیں، رواں ہفتے 22 اشیائے ضروریہ کی قیمتیں مستحکم رہیں۔

بجلی کے سہ ماہی چارجز میں 19.17 فیصد کمی ریکارڈ کی گئی، ایک ہفتے میں چکن 11.75، آٹا 5.68 فیصد سستا ہوا، رواں ہفتے لہسن 4.66 فیصد اور پیاز 1.93 فیصد سستی ہوئی۔

رپورٹ کے مطابق رواں ہفتے کیلے 3.51 اور چاول 1.58 فیصد سستے ہوئے ہیں۔

ایک ہفتے میں آلو 6.94 اور انڈے 0.66 فیصد مہنگے ہوئے ہیں، رواں ہفتے نمک، سگریٹس، گڑ اور دال مسور کی قیمتوں میں بھی اضافہ ہوا۔