لاہور: وفاقی وزیرِ اطلاعات فواد چوہدری نے کہا ہے کہ ملک میں سیاحت کے فروغ کے لیے کوشش کر رہے ہیں کہ 66 ممالک کے لیے پاکستان کا ویزا ختم ہو جائے۔
فواد چوہدری لاہور میں میڈیا سے گفتگو کر رہے تھے، انھوں نے کہا ’66 ممالک کے لیے پاکستان کا ویزا ختم کر رہے ہیں تاکہ ان ممالک سے لوگ آئیں اور پاکستان میں منعقد ہونے والے فیسٹیولز کو انجوائے کریں۔‘
[bs-quote quote=”فلم انڈسٹری کو بھی بحال کر نا ہے، کتابیں لکھنے والوں کی بھی حوصلہ افزائی کرنی ہے۔” style=”style-7″ align=”left” color=”#dd3333″ author_name=”وزیرِ اطلاعات”][/bs-quote]
ان کا کہنا تھا کہ ملک میں سیاحت کے نقطہ نظر سے میگا ایونٹس کو بحال کرنے کے لیے سندھ حکومت کو بھی ساتھ ملانے کی کوشش کر رہے ہیں۔
فواد چوہدری کا کہنا تھا کہ ملک میں بہت سارے بڑے میلے منعقد ہوتے ہیں جن میں کتابوں کے میلے، بسنت کا میلہ، سچل سرمست کا میلہ اور شمالی علاقوں کے میلے شامل ہیں، فلم انڈسٹری کو بھی بحال کر نا ہے، کتابیں لکھنے والوں کی بھی حوصلہ افزائی کرنی ہے۔
وزیرِ اطلاعات نے کہا ’وزیرِ اعظم کا سیاحت بڑھانے کا ایک وژن ہے، اس کے تحت ہم آگے بڑھ رہے ہیں، بحث یہ نہیں ہے کہ میلوں میں حادثے ہوتے ہیں، بلکہ یہ دیکھنا ہے کہ حادثوں سے کیسے بچنا ہے، ہمارے بہت سے میلے ختم ہو گئے ہیں جنھیں پھر سے بحال کرنا ہے۔‘
انھوں نے کہا کہ پچھلی حکومتوں کی ان معاملات سے دل چسپی ہی نہیں رہی اس لیے ملک میں ٹورازم کا شعبہ ترقی نہیں کر سکا۔
یہ بھی پڑھیں: خیبرپختونخواہ میں سیاحت کو فروغ دینے کے لیے تاریخی مقامات کی بحالی کا فیصلہ
فواد چوہدری نے کہا ’جو لوگ سیاست چلا رہے تھے ان کی سیاست کا اب خاتمہ ہو چکا ہے، دیکھنا چاہیے کہ ولی خان اور فیض احمد فیض کے ٹرائل کیسے ہوئے، ان کے ٹرائل بند جیلوں میں ہوئے، اٹک جیل میں ہوئے، دوسری طرف نواز شریف کو ٹرائل کے دوران لندن جانے کی اجازت ملی، آج بھی نواز شریف سے جو ملنا چاہتا ہے ملتا ہے۔‘
انھوں نے مزید کہا کہ شہباز شریف زیرِ حراست ہیں لیکن رہ گھر میں رہے ہیں، چھوٹے بھائی کا ٹرائل صرف کاغذوں میں ہو رہا ہے، یہ اپنے گھر میں سیاسی اجلاس بلا لیتے ہیں، نیب حکام کو طلب کر لیتے ہیں۔
فواد چوہدری کا کہنا تھا کہ 23 جنوری کو بجٹ میں مستحکم پاکستان کی بنیاد رکھی جائے گی، پچھلے جتنے بجٹ تھے وہ جعلی تھے اب اصلی بجٹ آ رہے ہیں، حکومت کے خاتمے کے خواب دیکھنے والا اسپغول کا چھلکا پی کر سویا کرے۔
ان کا کہنا تھا کہ سندھ پاکستان کا حصہ ہے میں نے وہاں جانا ہے، سندھ میں آنے جانے سے کون روک سکتا ہے۔
