The news is by your side.

Advertisement

پاکستان کےخلاف دوسرے ٹیسٹ سے قبل کیوی ٹیم کو دھچکا

کرائسٹ چرچ: پاکستان اور نیوزی لینڈ کے خلاف کھیلے جانے والے دوسرے ٹیسٹ سے قبل کیوی ٹیم کو دھچکا لگ گیا۔

تفصیلات کے مطابق کیوی فاسٹ بولر نیل ویگنر پاکستان کے خلاف دوسرے ٹیسٹ سے باہر ہوگئے، فاسٹ بولر پاؤں میں فریکچر کے باعث 6 ہفتے کے لیے کرکٹ سے دور رہیں گے۔

کیوی فاسٹ بولر نیل ویگنر کی جگہ میٹ ہینری دوسرے ٹیسٹ کا حصہ ہوں گے۔

واضح رہے کہ نیل ویگنر نے فریکچر کے باوجود پہلے ٹیسٹ میں شرکت کی تھی ،کیوی کپتان ولیم سن اور قومی ٹیم کے سابق کپتان اظہر علی نے انجری کے باوجود میچ کھیلنے پر نیل ویگنر کی تعریف کی تھی۔

Story Image
کیوی فاسٹ بولر نیل ویگنر

اظہر علی کا کہنا تھا کہ ویگنر نے ان فٹ ہونے کے باوجود کھیل کر ہم سب کے لیے ایک مثال قائم کی ہے، دوسری اننگز سے پہلے وارم اپ کے دوران لگا وہ نہیں کھیلیں گے لیکن وہ پاؤں میں فریکچر کے باوجود میچ کھیل رہے ہیں جو قابل ستائش ہے۔

یاد رہے کہ نیوزی لینڈ نے پاکستان کو پہلے ٹیسٹ میچ میں 101 رنز سے شکست دی تھی، دونوں ٹیموں کے درمیان سیریز کا دوسرا اور آخری ٹیسٹ 3 جنوری سے کرائسٹ چرچ میں کھیلا جائے گا۔

Comments

یہ بھی پڑھیں