اسلام آباد: پی ڈی ایم کے اجلاس کےبعد سابق صدر آصف زرداری نے مسلم لیگ ن کے قائد نواز شریف سےٹیلی فونک رابطہ کیا لیکن نواز شریف نے بات نہ کی، اسحاق ڈار نے کہا نوازشریف ناراض ہیں، بات نہیں کرنا چاہتے۔
تفصیلات کے مطابق سابق صدرآصف زرداری اورنوازشریف کے رابطے کی اندرونی کہانی سامنے آگئی ، ذرائع کا کہنا ہے کہ پی ڈی ایم کےگرما گرم اجلاس کے بعد آصف زرداری کا نواز شریف کو فون کیا تاہم مسلم لیگ ن کے قائد نوازشریف نے گھر میں موجودگی کے باوجود فون نہ سنا۔
ذرائع کا کہنا تھا کہ فون پرمسلم لیگ ن کے رہنما اسحاق ڈار کی آصف زرداری سے سخت گفتگو ہوئی ، آصف زرداری نےکہااپوزیشن لیڈر کے لیے اعظم نذیر تارڑ پرتحفظات ہیں، گفتگومیں بتایاگیا اعظم نذیرتارڑ بے نظیر قتل کیس میں ملزمان کے وکیل تھے ، پیپلزپارٹی کسی صورت اعظم نذیر کے نام پر اتفاق نہیں کرے گی۔
ذرائع کے مطابق اسحاق ڈار نے زرداری کو جواب میں کہا نوازشریف ناراض ہیں،بات نہیں کرناچاہتے ، آصف زرداری اوراسحاق ڈارکی فون پرگفتگو اسپیکرپربلاول بھٹو نے بھی سنی۔
ذرائع نے کہا اسحا ق ڈار کی طرف سےانتہائی تلخ گفتگو کے بعد آصف زرداری نے فون بند کردیا، شاہد خاقان اورپرویزرشید کوپیپلزپارٹی سےرابطوں کی بحالی کاٹاسک دیدیاگیا، ٹاسک مسلم لیگ ن کے اہم افراد اورخاندانی میٹنگ کے بعد دیا گیا۔
ذرائع کے مطابق پرویز رشید ،شاہد خاقان پیپلزپارٹی کواستعفوں پر راضی کرنے کی کوشش کریں گے۔
