لاہور : مسلم لیگ ن کی چیف ارگنائزر مریم نواز نے شاہد خاقان عباسی سے ملاقات میں کہا کہ آپ جیسے لیڈر پارٹی کا فخر ہیں، جس پر ن لیگی رہنما نے کہا نوازشریف میرے لیڈر ہیں، آخری دم تک ن لیگ میں ہی رہوں گا۔
تفصیلات کے مطابق مسلم لیگ ن کی چیف ارگنائزر مریم نواز اور سینئر رہنما شاہد خاقان عباسی کےدرمیان ملاقات کا احوال سامنے آگیا۔
مریم نواز نے شاہد خاقان عباسی سے گفتگو میں کہا کہ میں آپ کی بہن ہوں آپ کی رہنمائی میں پارٹی،ملک کیلئےکردار ادا کرنا چاہتی ہوں، پارٹی میری اکیلی کی نہیں ہے۔
مسلم لیگ ن کی چیف ارگنائزر کا کہنا تھا کہ نوازشریف کی سربراہی میں سب ملکرپارٹی کیلئے کام کریں گے ، آپ جیسے لیڈر پارٹی کا فخر ہیں،آپکی لازوال قربانیوں کوفراموش نہیں کیاجا سکتا۔
شاہد خاقان عباسی نے مریم نواز سے گفتگو میں کہا میں نے اپنا سب کچھ ن لیگ کے وقف کر رکھا ہے، نوازشریف میرے لیڈر ہیں ، شہباز شریف کی رہنمائی ہمیشہ ساتھ رہی۔
شاہد خاقان کا کہنا تھا کہ ن لیگ میں رہا اور آخری دم تک ن لیگ میں ہی رہوں گا، نواز شریف اور پارٹی سے آج بھی رابطہ قائم ہے اور کل بھی رہےگا۔
