سان فرانسسکو: فیس بک کی زیر ملکیت فوٹو شیئرنگ ویب سائٹ اور موبائل اپیلی کیشن انسٹاگرام نے زوم کو ٹکر دینے کے لیے نیا فیچر متعارف کرادیا۔
انسٹاگرام کی جانب سے جاری ویڈیو میں بتایا گیا ہے کہ اب صارفین پچاس دوستوں کے ساتھ گروپ چیٹ کرسکتے ہیں، جس کا طریقہ کار بہت سادہ اور آسان ہے۔
کمپنی کے مطابق صارف کو ویڈیو چیٹ روم بنانا ہوگا جس کے بعد وہ اپنی پسند کے پچاس لوگوں کو ایڈ کر کے بات کرسکے گا۔
یہ ویڈیو چیٹ روم انسٹاگرام مسینجر پر بنائے جاسکتے ہیں، جس صارف کو مدعو کیا جائے گا اُس کے پاس ایک نوٹی فکیشن پہنچ جائے گا جس پر کلک کر کے وہ گروپ کالنگ کا حصہ بن سکے گا۔
An easy way to video chat with up to 50 of your favorite people? Yes please 🙋♀️
Starting today, you can create @messenger Rooms on Instagram and invite anyone to join 👇 pic.twitter.com/VKYtJjniEt
— Instagram (@instagram) May 21, 2020
یاد رہے کہ اس سے قبل فیس بک نے اپنے صارفین کے لیے مسینجر میں نیا فیچر شامل کیا جس کے تحت پچاس دوست بیک وقت مٹینگ یا آپس میں گفتگو کرسکتے ہیں، علاوہ ازیں حال ہی میں واٹس ایپ صارفین کے لیے بھی گروپ چیٹ کے حوالے سے فیچر متعارف کرایا گیا ہے۔
مزید پڑھیں: فیس بک کے دوستوں کو واٹس ایپ گروپ کالنگ میں کیسے شامل کیا جاسکتا ہے؟
ڈبلیو اے بیٹا انفو کی رپورٹ کے مطابق واٹس ایپ صارفین کے لیے کمپنی نئی سہولت متعارف کرانے جارہی ہے جس کے تحت وہ گروپ کالنگ میں اپنے فیس بک کے دوستوں کو بھی ایڈ کرسکتے ہیں۔
