اگر آپ بھی سوشل میڈیا پر نت نئے فیچرز کی تلاش میں رہتے ہیں تو جان لیں کہ انسٹا گرام نے صارفین کے نیا شاندار فیچر متعارف کرادیا ہے۔
انسٹاگرام نے اپنی نئی اپ ڈیٹس کا اعلان کرتے ہوئے بتایا ہے کہ اس پلیٹ فارم پر صارفین کے لیے تخلیقی ٹولز میں اضافہ کردیا گیا ہے، اب یہ پلیٹ فارم استعمال کرنے والے خواتین و حضرات اپنی تصاویر پر براہ راست ٹیکسٹ اور فیچر چسپاں کرسکیں گے۔
اس کے علاوہ انسٹاگرام نے اپنی ریلز اور اسٹوریز کے لیے نیا فونٹ، ٹیکسٹ اینیمیشن اور افیکٹس کا بھی اضافہ کیا ہے جسے ضرورت کے مطابق استعمال کیا جاسکے گا۔
انسٹاگرام پر نئے فیچرز کے اضافے سے اب اس پلیٹ فارم کو استعمال کرنے والے اپنی پوسٹ اور اسٹوریز کو مزید جاذب نظر بناسکیں گے۔
اب صارفین، ٹیکسٹ اور اسٹیکرز کو براہ راست اپنی تصاویر اور کاروسلز (carousels) میں شامل کر سکتے ہیں جس سے انھیں اظہار خیال کرنے کی اور بھی تخلیقی آزادی ملے گی۔
نئے فونٹس کو دریافت کرنے کے لیے صارفین کو ٹیکسٹ ٹول کھول کر ٹیکسٹ بٹن پر ٹیپ کرنا ہوگا، اسٹینڈ آؤٹ ٹیکسٹ بنانے کے لیے صارفین نئی خصوصیات کو ملا کر مماثل کر سکتے جو کہ منفرد طور پر صرف اسی صارف کا ہوگا۔
انسٹاگرام نے حال ہی میں کاروسل کی حد میں اضافہ کیا ہے، جس سے کوئی بھی شخص ایک پوسٹ میں 20 تک تصاویر اور ویڈیوز شامل کر سکتا ہے۔
