لاہور: گجرانوالہ شہر میں کچرے کو ٹھکانے لگانے کے لئے جاپان انٹرنیشنل کوآپریشن ایجنسی ( جائیکا) کی جانب سے تشکیل دئیے گئے ماسٹر پلان کے حوالے سے لاہور پلاننگ اینڈ ڈیولپمنٹ ڈیپارٹمنٹ میں سیمنار کا انعقاد کیا گیا۔
کچے کو ٹھکانے لگانے کے حوالے سے تحقیق گجرانوالہ ویسٹ مینجمنٹ کمپنی کی جانب سے اربن یونٹ کے اشتراک سے کی گئی ہے۔
جاری کردہ پریس ریلیز کے مطابق یہ منصوبہ وزیر اعلیٰ پنجاب کے ویژن 2020 کا حصہ ہے اور اس سلسلے میں کچرے کو ٹھکانے لگانے کے لئے ایک جامع منصوبہ تیار کرکے نافذ کردیا گیا ہے، اس سلسلے میں جائیکا نامی جاپانی ایجنسی نے اس سارے منصوبے کی اسٹڈی رپورٹ تیار کی ہے۔
سیمنار کی صدارت پنجاب کی وزیر ِ خزانہ عائشہ غوث نے کی جبکہ جائیکا کیے سینئر نمائندے موتو تاکی، پنجاب اربن یونٹ کے چیف ایگزیٹو ڈاکٹر ناصرجاوید، گجرانوالہ ویسٹ مینجمنٹ کمپنی کے مینیجنگ ڈائریکٹر ڈاکٹر عطا الحق اور دیگر شریک تھے۔
