The news is by your side.

Advertisement

آئندہ چند دن میں سردی کی شدت میں اضافہ ہوگا، کراچی کے باسی تیار رہیں

کراچی : شہر کا موسم پھر بدلنا شروع ہوگیا، علی الصبح کم سے کم درجہ حرارت 16 ڈگری ریکارڈ کیا گیا جبکہ آئندہ دنوں میں سردی کی شدت میں مزید اضافے کا امکان ہے۔

تفصیلات کے مطابق شہر میں صبح سے ٹھنڈی ہوائیں چلنے کا سلسلہ جاری ہے، محکمہ موسمیات کی جانب سے علی الصبح کراچی کا درجہ حرارت کم سے کم 16 ڈگری ریکارڈ کیا گیا ہے۔

محکمہ موسمیات کا کہنا ہے کہ موجودہ درجہ حرات 19 ڈگری سینٹی گریڈ ریکارڈ کیا گیا جبکہ دن کے اوقات میں درجہ حرارت 30 ڈگری تک رہنے کا امکان ہے۔

محکمہ موسمیات کا کہنا ہے کہ آج موسم خشک رہنے کا بھی امکان ہے۔

محکمہ موسمیات کے مطابق چند دن میں درجہ حرارت میں کمی واقع ہوگی جس کے باعث سردی کی شدت میں مزید اضافے کا امکان ہے، اس وقت مطلع جزوی ابرآلود، رات اور صبح کے وقت موسم سرد رہے گا۔

شمال مشرقی سمت سے ہواؤں کی رفتار 13 کلومیٹر فی گھنٹہ ریکارڈ کی گئی جبکہ ہوا میں نمی کا تناسب 51 فیصد ریکارڈ کیا گیا۔

Comments

یہ بھی پڑھیں