کوئٹہ : بلوچستان تعلیمی بورڈ نے انٹرمیڈیٹ کے امتحانات تین ہفتوں کے لیے ملتوی کر دیے، نئی تاریخ کا اعلان چند روز میں کیا جائے گا۔
اے آر وائی نیوز کوئٹہ کے بیورو چیف مصطفیٰ خان ترین کی رپورٹ کے مطابق بلوچستان تعلیمی بورڈ نے آج سے شروع ہونے والے انٹر بورڈ کے امتحانات 3ہفتوں کیلئے ملتوی کردیے۔
اس حوالے سے چیئرمین بلوچستان بورڈ کا کہنا ہے کہ انٹر امتحانات کیلئے نئی تاریخ کا اعلان چند روز میں کر دیا جائے گا۔
چیئرمین تعلیمی بورڈ کے مطابق چند ناگزیر وجوہات کی بنا پر 3 ہفتوں کیلئے امتحانات ملتوی کررہے ہیں،
دوسری جانب ذرائع کا کہنا ہے کہ اساتذہ کے جانب سے بائیکاٹ کے اعلان پر امتحانات ملتوی کیے گئے ہیں، جبکہ طلبہ کا کہنا ہے کہ امتحان میں تاخیر سے آئندہ سال میڈیکل کالجز میں داخلے متاثر ہوسکتے ہیں۔
