اسلام آباد: وفاقی وزیر داخلہ چوہدری نثارعلی خان کا کہناہے کہ پہلے دھماکےہوتےرہےاورحکومتیں خواب خرگوش کے مزے لیتی رہیں۔
تفصیلات کےمطابق وزیر داخلہ چودھری نثار کا ریپڈ رسپانس فورس کے پہلے بیچ کی پاسنگ آؤٹ پریڈ سے خطاب میں کہا کہ پچھلی حکومت کے دور میں دھماکے ہوتے رہے اور حکام سوئے رہے،جبکہ ہم نے عملی کام کیا۔
وزیرداخلہ چوہدری نثار علی خان کا کہناتھا کہ مجھے کرائم ریٹ زیرو چاہیے،انہوں نےاہلکاروں سے مخاطب ہوکر کہا کہ پاکستان کے عوام سے وفاداری نبھانی ہے،حکومتیں آنی جانی ہیں۔
چودھری نثارعلی خان نے کہا کہ جنرل(ر)راحیل شریف سےکہہ کرریپڈرسپانس فورس بنوائی، جبکہ رینجرزنے اسلام آباد پولیس سے مل کر شہر کو پرسکون بنانے میں اہم کرداراداکیا۔
انہوں نے کہا کہ پولیس کورینجرز کےجوانوں،افسروں کودیکھ کر معیار بلند کرناچاہیے،اسلام آباد پولیس رینجرز سے سےسیکھے ۔
چوہدری نثار علی خان نے کہا کہ حرام میں برکت اور سکون نہیں ،نیک نیتی اور انصاف میں سکون ہے۔
واضح رہے کہ چوہدری نثار علی خان نے کہا کہ پولیس میں بھرتیاں میرٹ پر ہوئی ہیں،وزیر داخلہ پاکستان نے بھی نائب قاصد کی بھرتی کی سفارش نہیں کی۔
