اسلام آباد : وزیرداخلہ رانا ثنا اللہ نے سینیٹر سیف اللہ نیازی کو حراست میں لینےکی تصدیق کرتے ہوئے کہا وہ فنڈنگ کیس میں پیش نہیں ہورہے تھے۔
تفصیلات کے مطابق وزیرداخلہ رانا ثنا اللہ نے سینیٹر سیف اللہ نیازی کو حراست میں لینےکی تصدیق کردی۔
راناثنااللہ نے کہا کہ سیف اللہ نیازی کوایف آئی اے نے متعدد باربلایا وہ پیش نہیں ہوئے، ایف آئی اے ان کولیکر آیا ہے اس سے سوالات ہونے ہیں
سیف اللہ نیازی ،حامد زمان فنڈنگ کیس میں پیش نہ ہونے پر حفاظتی حراست میں لیا گیا ہے ، اگر انہوں نےتعاون نہیں کیا تو ضابطے پورے کر کے گرفتار کیا جا سکتا ہے۔
یاد رہے ایف آئی اسلام آباد نے فارن فنڈنگ کیس میں پی ٹی آئی سینیٹرسیف اللہ نیاز ی کو گرفتار کیا ، انہیں فنڈریزنگ کیلئے بنائی گئی ویب سائٹ کیس میں پارلیمنٹ کے گیٹ سے گرفتار کیا گیا۔
دوسری جانب ایف آئی اے لاہور نے کارروائی کرتے ہوئے اپٹما نارتھ زون کےچیئرمین حامدزمان کوبھی گرفتارکرلیا، لاہور میں انصاف ٹرسٹ کے ٹرسٹی حامد زمان کیخلاف مقدمہ بھی درج ہے
۔ حامد زمان بٹ کو ان کے دفتر وارث روڈ سے گرفتار کیا گیا، وہ شاہدرہ سےپی ٹی آئی کی ٹکٹ پرالیکشن بھی لڑچکے ہیں۔
