The news is by your side.

Advertisement

وزارت داخلہ کا نواز شریف کے پاسپورٹ کی تجدید نہ کرنے کا فیصلہ

اسلام آباد: وزارت داخلہ نے نواز شریف کے پاسپورٹ کی تجدید نہ کرنے کا فیصلہ کرلیا ، نوازشریف کےپاسپورٹ کی معیادآج رات ختم ہوجائے گی۔

تفصیلات کے مطابق ذرائع کا کہنا ہے کہ سابق وزیر اعظم نوازشریف کےپاسپورٹ کی معیادآج رات ختم ہوجائے گی، وزارت داخلہ نے نواز شریف کے پاسپورٹ کی تجدید نہ کرنے کا فیصلہ کیا ہے۔

وزارت داخلہ کی جانب سے مؤقف میں کہا گیا ہے کہ نوازشریف اشتہاری ہیں پاسپورٹ کی تجدید نہیں کی جائے گی، نواز شریف سفر کرنا چاہیں گے توان کو ایمرجنسی ٹریول ڈاکومنٹ کے ذریعے کرنا ہوگا۔

ذرائع کے مطابق ایمرجنسی ڈاکیومنٹ کے حصول کیلئے نوازشریف کووزارت خارجہ سےرجوع کرنا ہوگا، وزارت خارجہ کی سفارش پر وزارت داخلہ پاسپورٹ کی تجدید کرسکتی ہے۔

ذرائع کا کہنا ہے کہ سابق وزیراعظم نواز شریف کے پاس ڈپلومیٹک پاسپورٹ موجود ہے۔

یاد رہے گذشتہ سال اکتوبرمیں قومی احتساب بیورو (نیب) نے سابق وزیراعظم نوازشریف کا پاسپورٹ اور شناختی کارڈ منسوخ کرنے کی سفارش کی تھی اور کہا تھا کہ   نواز شریف کے وارنٹ گرفتاری عدالت سے جاری ہو چکے ہیں۔

Comments

یہ بھی پڑھیں