site
stats
اہم ترین

کالعدم تنظیموں‌ کو کیوں‌ نہیں‌ روکا جارہا، وزارت داخلہ صوبائی حکومتوں‌ پر برہم

اسلام آباد: وزارت داخلہ نے ملک بھر میں کالعدم تنظیموں کی سرگرمیوں کو آزادانہ قرار دیتے ہوئے کہا ہے کہ صوبائی حکومتیں کالعدم تنظیموں کے خلاف کارروائیاں کیوں نہیں کررہیں؟وزارت داخلہ نے ہدایت دی کہ انہیں سختی کے ساتھ کام کرنے سے روکا جائے۔

ذوالقرنین حیدر نے بتایا کہ کالعدم تنظیموں کی آزادنہ سرگرمیوں کے حوالے سے وزارت داخلہ صوبائی حکومتوں پر برہم ہوگئی اور چاروں صوبوں سمیت گلگت بلتستان حکومت کو بھی مراسلہ جاری کیا گیا ہے جس میں کہا گیا ہے کہ کالعدم تنظیموں کو ایک بار پھر سختی کے ساتھ کام کرنے سے روکا جائے اور نیشنل ایکشن پلان کے عین مطابق کالعدم تنظیموں کے خلاف کارروائی کی جائے۔

مراسلے میں کہا گیا ہے کہ چکوال واقعے کو بنیاد بنا کر تحریک لبیک یارسول اللہ جیسی تنظیمیں سرگرم ہیں، ایسی تنظیموں کو کسی بھی طور آزادانہ سرگرمیوں کی اجازت نہیں دی جاسکتی۔

وزارت داخلہ نے مزید کہا ہے کہ صوبائی حکومتیں کالعدم تنظیموں کے خلاف مؤثر کارروائیاں نہیں کررہیں، کالعدم جماعتوں کی جانب سے اقلیتوں کو نشانہ بنانے کی اجازت نہیں دی جاسکتی، ایسی تنظیموں کے خلاف سخت اقدامات کیے جائیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top