The news is by your side.

Advertisement

بارہویں جماعت (پری میڈیکل) کے نتائج کا اعلان ہو گیا

کراچی: بارہویں جماعت (پری میڈیکل) کے نتائج کا اعلان ہو گیا۔

تفصیلات کے مطابق انٹرمیڈیٹ بارہویں کلاس سائنس پری میڈیکل (فریش) کے سالانہ امتحانات برائے 2021 کے پہلے مرحلے کے نتائج کا اعلان کر دیا گیا۔

چیئرمین انٹر بورڈ پروفیسر ڈاکٹر سعید الدین کے مطابق سائنس پری میڈیکل کے امتحانات میں 22 ہزار 219 امیدواروں نے رجسٹریشن حاصل کی، جب کہ 21 ہزار 950 امیدوار امتحانات میں شریک ہوئے۔

انٹر بورڈ کے مطابق امتحانات میں 20 ہزار 637 امیدوار کامیاب قرار پائے، جب کہ کامیابی کا تناسب 94.02 فی صد رہا۔

ان امتحانات میں 4 ہزار 686 امیدواروں نے اے وَن گریڈ، 2 ہزار 795 امیدواروں نے اے گریڈ، اور 2 ہزار 913 امیدواروں نے بی گریڈ حاصل کیا۔

بورڈ کے مطابق 3 ہزار 800 امیدواروں نے سی گریڈ، 4 ہزار 798 امیدواروں نے ڈی گریڈ اور ایک ہزار 845 امیدواروں نے ای گریڈ میں کامیابی حاصل کی۔

Comments

یہ بھی پڑھیں