لاہور: مسلم لیگ ن کے صدر شہباز شریف اور چیئرمین پی پی بلاول بھٹو زرداری کی ملاقات کی اندرونی کہانی سامنے آگئی۔
اے آر وائی نیوز کی رپورٹ کے مطابق چیئرمین پیپلزپارٹی بلاول بھٹو کا کہنا تھا کہ ن لیگ اور پیپلزپارٹی سنجیدہ نہیں ہوئیں تو آل پارٹیز کانفرنس (اے پی سی) ناکام ہوگی، آپ کو ہر حال میں اے پی سی میں آنا ہوگا۔
بلاول بھٹو کا کہنا تھا کہ شہباز شریف آپ نہ آٗے تو اپوزیشن کی اے پی سی کا کوئی نتیجہ نہیں نکلے گا، مولانا فضل الرحمان دھرنے میں ساتھ نہ دینے پر بہت خفا ہیں۔
دوسری جانب شہباز شریف کا کہنا تھا کہ ن لیگ سنجیدہ ہے ساری اپوزیشن دے تو کام بنے گا، دعا کریں صحت ساتھ دیتی رہی تو لازمی آؤں گا۔
شہباز شریف نے تجویز دی کہ آپ اور میں اے پی سی کی مشترکہ صدارت کریں گے جبکہ مولانا نے مجھ سے بھی شکوہ کیا تھا۔
دونوں رہنماؤں نے اتفاق کیا کہ حکومت مخالف تحریک کے لیے مولانا یا کسی اور پر انحصار نہیں کرنا ہوگا، مولانا چاہتے ہیں صبح حکومت گر جائے ہمیں نظام کو بچانا ہوگا۔
