ماسکو: روس میں گول مٹول اور نایاب نسل کے پالتو جانوروں کا بین الاقوامی میلہ سج گیا جہاں ناز و نخروں سے پلے مختلف اقسام کے کتے، بلیاں سمیت مختلف جانور لوگوں کی توجہ کا مرکز بن چکے ہیں۔
تفصیلات کے مطابق روسی شہر سینٹ پیٹرز برگ میں سجے پالتو جانوروں کے بین الاقوامی میلے میں تیس ممالک سے تعلق رکھنے والے سیکڑوں افراد اپنے پالتو جانوروں کے ہمراہ بھرپور شرکت کر رہے ہیں۔
اس موقع پر مقامی شہری کے پالتو کتے نے میلے میں مختلف کرتب دکھا کر سب کو حیران کردیا، سج دھج کر آنے والے خوبصورت جانوروں کو دیکھنے کے لیے بڑوں کے ساتھ ساتھ بچے بھی میلے کا رخ کر رہے ہیں۔
کراچی کی مویشی منڈی: ایک مکمل تفریحی میلہ
بین الاقومی فیسٹول میں دنیا بھر سے جانور پالنے کے شوقین افراد اپنے پالتو جانورں کو نمائش کے لیے پیش کرتے ہیں جبکہ میلے میں موجود افراد نا صرف ان جانوروں کو دیکھنے آتے ہیں بلکہ اگر انہیں پسند آجائے تو ہاتھوں ہاتھ خرید بھی لیتے ہیں۔
جانوروں کے شوقین افراد بڑے ناز و پیار سے اپنے پالتو جانوروں کا خیال رکھتے ہیں اور ان کے بڑے نخرے بھی برداشت کرتے ہیں، روس کے شہری پالتو جانوروں سے کتنی محبت کرتے ہیں اس کا انداز میلے میں موجود لوگوں کی بڑی تعداد سے لگایا جا سکتا ہے۔
منگھو پیر کا شیدی میلہ: روایات اور عقیدت کے حسین رنگ
خیال رہے کہ روس میں منعقد ہونے والے اس بین الاقوامی میلے سے کمائی گئی آمدنی کو جانوروں کی فلاح اور علاج معالجے پر خرچ کیا جاتا ہے۔
خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔
