کراچی: عالمی ہوا بازی کی تنظیم(اکاو) سول ایوی ایشن اتھارٹی(سی اے اے) کے آڈٹ کے معاملے کے تناظر میں ملکی ایئرپورٹس کا دورے کرے گی۔
تفصیلات کے مطابق آڈٹ ٹیم جناح، اسلام آباد انٹرنیشنل اور علامہ اقبال ایئرپورٹس پر آپریشنل نظام کی جانچ پڑتال کرے گی، اکاو نے دورہ سے متعلق سی اے اے کو اپنا شیڈول جاری کردیا۔
سول ایوی ایشن اتھارٹی نے ملک کے ایئرپورٹ پر عالمی آڈٹ سے متعلق تیاریاں مکمل کرلی۔ انٹرنیشنل سول ایوی ایشن آرگنائزیشن اکاو کی ٹیم جونیان نی کی سربراہی میں 9 رکنی ٹیم 29 نومبر کو کرا چی پہنچے گی۔
عالمی ہوابازی کی تنظیم اکاو 10 دسمبر تک سی اے اے کا مکمل آڈٹ کرے گی۔ عالمی آڈٹ کی رپورٹ یورپی یونین کی جانب سے پابندی کے حوالے بھی اہم ہے۔
عالمی ہوابازی کی تنظیم اکاو سول ایوی ایشن اتھارٹی کے اہم مختلف شعبہ جات کپتانوں کو لائسنس جاری کرنے والے نظام، ایئرنیوی گیشن، ائیرکرافٹ آپریشنز، طیاروں کی ایئروردنیس، ایرو ڈورومز ائیر اسپیس، اے آئی بی سمیت دیگر شعبوں کا مکمل اڈٹ کرے گا۔
سی اے اے نے مخلتف شعبوں پر اکاو کے تحفظات کو دور کرنے میں نمایاں پیش رفت کی ہے۔
