اوورسیز پاکستانیوں کے لیے انٹرنیشنل ڈرائیونگ لائسنس کے حصول کے لیے زبردست خوشخبری آگئی۔
لاہور ٹریفک پولیس نے انٹرنیشنل ڈرائیونگ لائسنس کے لیے بڑا اقدام کرتے ہوئے بیرون ملک سے آنے اور جانے والے پاکستانیوں کی لائسنس سے متعلق بڑی مشکل آسان کر دی۔
پاکستان کا پہلاانٹرنیشنل ڈرائیونگ لائسنس کیاسک علامہ اقبال انٹرنیشل ائیر پورٹ لاہور پر قائم کر دیا گیا جس کا سی ٹی او ڈاکٹر اطہر وحید نے باقاعدہ افتتاح کر دیا ہے۔
سی ٹی او کا کہنا ہے کہ شہری بیرون ملک روانگی سے قبل انٹرنیشنل ڈرائیونگ لائسنس چند منٹوں میں حاصل کر سکتے ہیں اس کے ساتھ ساتھ شہری ڈرائیونگ لائسنس سے متعلق دیگر سروسز بھی حاصل کر سکیں گے۔
شہریوں کی سہولت کے لیے قائم مرکز 24/7 خدمات فراہم کرے جس میں لائسنس کے اجرا، تجدید۔ ڈوپلیکیٹ اور لرنر لائسنس کی سروس بھی دستیاب ہو گی۔
