کراچی: پاکستان کی تاریخ میں پہلی بار اسکردو میں بین الاقوامی پروازوں کا آغاز ہو گا۔
ترجمان پی آئی اے کے مطابق یوم آزادی کے موقع پر قومی ایئرلائن دبئی سے اسکردو پروازوں کا آغاز کرے گی۔ یوم آزادی پر اسکردو ائیرپورٹ کی پہلی بین الاقوامی پرواز ہو گی۔
اسکردو ایئرپورٹ پر انتظامات مکمل کر لیے گئے ہیں اور پرواز پر بکنگ کا آغاز کر دیا گیا ہے۔ پہلی پرواز پر بلند ترین چوٹیوں، دلکش جھیلوں کے نظارے کرائےجائیں گے۔
ترجمان کے مطابق پرواز دبئی سے اسکردو اور وہاں سے اسلام آباد آئےگی۔ اسکردو کے ساتھ ساتھ اسلام آباد کے مسافر بھی سفر کر سکیں گے۔
