The news is by your side.

Advertisement

عالمی شہرت یافتہ فٹبالرز کے کراچی میں جلوے

کراچی: عالمی شہرت یافتہ فٹبال کھلاڑیوں نے شہرقائد میں اپنے جلوے بکھیرے، اسٹار فٹبالرز میں برازیل کے کاکا، پرتگال کے لوئس فیگو، اسپین کے کارلوس پیول اور فرانس کے نکولس انیلکا شامل ہیں۔

تفصیلات کے مطابق انٹرنیشنل فٹبالرز نے کراچی کے نجی مال میں فینز سے ملاقاتیں کیں، اور نمائشی میچ میں کھلاڑیوں نے اپنی صلاحیتوں کے جوہر دکھائے، مداح اپنے من پسند کھلاڑیوں کو دیکھ کر خوشی سے پھولے نہ سمائے۔

فٹبال کے ستارے شہرقائد میں چمکتے رہے، پرتگال کے سابق کپتان فیگو ہوں یا پھر برازیلین فٹبالر کاکا سب نے مل کر خوب رنگ جمایا، اینلکا اور پیول نے بھی مقامی شاپنگ مال میں عوام کے دل جیت لیے۔

دریں اثنا انٹرنیشنل فٹبالرز، پاکستانی کپتان صدام حسین کی ٹیم ورلڈ ساکر اسٹارز اور کراچی ایف سی کے درمیان دلچسپ مقابلہ ہوا۔ سکس اے سائیڈ میچ میں فٹبال اسٹارز کو غیر معروف فٹبالز نے ٹف ٹائم دیا۔

منتظین نے کہا کہ نمائشی میچ کا مقصد ہار جیت کا فیصلہ نہیں بلکہ پاکستان میں فٹبال کے کھیل کو ایک نئی پہچان دینا ہے۔

برازیل کے کاکا اور پرتگال کے لوئس فیگو کراچی پہنچ گئے

کھلاڑیوں نے پاکستان میں مہمان نوازی پر شکریہ ادا کیا اور عوام میں محبتیں بانٹی۔ اس موقع پر کاکا نے کہا کہ پاکستان ٹیم کی کوچنگ کا موقع ملا تو ضرورکروں گا۔ جبکہ انیلکا کا کہنا تھا کہ پاکستانی نوجوان فٹبال کیلیےبہت محبت رکھتے ہیں۔

خیال رہے کہ انٹرنیشنل فٹ بالرز کی پاکستان آمد کا مقصد ملک میں فٹ بال کے کھیل کا فروغ ہے، اس سے قبل بھی عالمی شہرت یافتہ فٹ بالرز پاکستان کے دورے پر آ چکے ہیں۔

fb-share-icon0
Tweet 20

Comments

comments

یہ بھی پڑھیں