The news is by your side.

بیرون ملک جانے والے مسافروں کیلئے کرنسی و کسٹمز ڈکلئیریشن کی شرط، اعتراضات سامنے آگئے

کراچی : نجی ایئر لائنز اور عالمی تنظیم ایاٹا نے مسافروں کے کرنسی و کسٹمز ڈکلئیریشن کے جاری احکامات پر اعتراضات کردیے۔

تفصیلات کے مطابق انسداد منی لانڈرنگ کے لیے مسافروں کے کرنسی و کسٹمز ڈکلئیریشن پر اعتراضات سامنے آگئے۔

نجی ایئرلائنزاور عالمی تنظیم ایاٹا نے سی اے اے کی جانب سے جاری احکامات پر اعتراضات اٹھائے۔

ایئرلائن آپریٹرزکمیٹی اور عالمی تنظیم ایاٹا نے سی اے اے اور کسٹم کو تحفظات پر مبنی خطوط ارسال کر دیئے ہیں۔

جس میں کہا گیا کہ بیرون ملک کے مسافروں کو بورڈنگ کے وقت ڈیکلریشن فارم دے کر وصول کرسکتے ہیں، بیرون ملک سے آنے والوں کے لیے اعلان کرسکتے ہیں ،فارم دے بھی سکتےہیں۔

ایئرلائن آپریٹر اور ا یاٹا کےمراسلے میں کہا ہے کہ کسی مسافرکو فارم پر کرنے کے لیےمجبور نہیں کرسکتے اور مسافروں کو پرشدہ فارم کسٹمز کے حوالے کرنے کاپابند بھی نہیں کر سکتے۔

خیال رہے کہ پاکستان سے بیرون ملک جانے والے مسافروں کو بورڈنگ پاس کسٹمز اور کرنسی ڈیکلریشن کے بغیر نہ دینے کی نئی شرط لاگو کردی تھی اور اس حوالے سے سی اے اے نے تمام ایرلاینز کو نئی ہدایات جاری کیں۔

Comments

یہ بھی پڑھیں