لارڈز: آسٹریلیا نے انگلینڈ کو دوسرے ایک روزہ میچ میں چونسٹھ رنز سے شکست دے کر سیریز میں دو صفر کی برتری حاصل کرلی۔
لارڈز میں کھیلے گئے سیریز کے دوسرے میچ میں انگلینڈ نے ٹاس جیت کر فیلڈنگ کا فیصلہ کیا،میچ کی دوسری گیند پر وارنر ہاتھ ہر گیند لگنے سے زخمی ہوگئے اورکھیل جاری نہ رکھ سکے۔
مڈل آڈر بلے بازوں کی شاندار بلے بازی کی بدولت آسٹریلیا نے مقررہ انچاس اوورز میں تین سو نو رنز بنائے۔ اسٹیون اسمتھ، جارج بیلی اور مچل مارش نے نصف سنچریاں اسکور کی۔
- Advertisement -
ہدف کے تعاقب میں انگلش بلے باز بڑی اننگز کھیلنے میں ناکام رہے،کپتان اوئن مورگن ہی پچاسی رنز کی مزاحمت کرنے میں کامیاب رہے۔
میزبان ٹیم مقررہ اوورز کھیلے بغیر ہی دو سو پینتالیس رنز بناکر آؤٹ ہوگئی۔ شاندار کارکردگی پر مچل مارش کو مین آف دی میچ کا ایوارڈ دیا گیا۔
