کراچی :ایف آئی اے سائبر کرائم سرکل نے انٹرنیٹ پر جعلی آئی ڈی کےذریعےنوکری کاجھانسہ دیکرشہریوں کو لوٹنےوالےنوجوان کوگرفتارکر لیا ہے۔
ملزم نجی بینک کا ملازم بتایا جاتا ہے۔ کراچی میں ایف آئی اے سائبر کرائم سرکل نے ایک کارروائی کے دوران محمد حسیب نامی نوجوان کو گرفتارکرلیا۔
ملزم پر جعلسازی کا الزام ہے۔ ملزم ویب سائٹ کے ذریعے فیک آئی ڈی پر جعلی اشتہارات کے ذریعے لوگوں کو نوکری اور دیگر مراعات کا جھانسہ دیکر پیسے لوٹتا تھا۔
ایف آئی اے سائبر کرائم سیل نے ایک شہری کی جانب سے شکایت پر کارروائی کی۔ ملزم محمد حسیب نجی بینک کا ملازم بتایا جاتا ہے۔
ایف آئی اے حکام کے مطابق جعلسازی کے واقعے کا مقدمہ درج کر لیا گیا ہے جبکہ مزید تحقیقات کی جا رہی ہیں۔
