عالمی پولیس تنظیم انٹر پول نے لندن میں مقیم بانی ایم کیو ایم کے ریڈ وارنٹ کے لیے تعاون سے انکار کرتے ہوئے درخواست اعتراض لگا کر واپس کردی۔ ادھر کراچی میں بانی ایم کیو ایم کے خلاف منی لانڈرنگ کامقدمہ درج کرلیا گیا۔
تفصیلات کے مطابق انٹر پول نے بانی ایم کیو ایم کے ریڈ وارنٹ کے لیے تعاون سے انکار کرتے ہوئے پاکستانی حکام کی جانب سے بھیجی گئی درخواست اعتراض لگا کر واپس کردی۔
ذرائع کے مطابق انٹر پول نے جواب میں کہا ہے کہ پہلے آپ نے فوج کے خلاف تقریر پر، پھر صولت مرزا، منہاج کا بیان بھیج کر ریڈ وارنٹ کی درخواست کی۔
مزید پڑھیں: بانی ایم کیو ایم کے ریڈ وارنٹ پر انٹر پول کے سوالات
انٹر پول کے مطابق شاہد حامد قتل کیس پرانا ہے، ایسی صورتحال میں ریڈ وارنٹ جاری نہیں ہوسکتے۔
ذرائع کے مطابق وفاقی تفتیشی ایجنسی ایف آئی اے کا کہنا ہے کہ انٹر پول کا خط مل چکا ہے اور جواب کی تیاری کی جارہی ہے۔
کراچی میں منی لانڈرنگ کا مقدمہ درج
دوسری جانب کراچی میں بانی ایم کیو ایم کے خلاف منی لانڈرنگ کا ایک اور مقدمہ درج کر لیا گیا۔ ایف آئی آر سرفراز مرچنٹ کی مدعیت میں ایف آئی اے اسٹیٹ بینک سرکل میں جمع کروائی گئی۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
