کرونا وائرس کی جان لیوا وبا سے متعلق سوشل میڈیا پر غلط معلومات اور افواہیں زیر گردش ہیں وہیں مشہور سوشل میڈیا پلیٹ فارم اسنیپ چیٹ نے ایسا فلٹر متعارف کرایا ہے جو افواہ اور حقیقت سے متعلق آگاہ کرے گا۔
غیر ملکی خبر رساں ادارے کی رپورٹ کے مطابق اسنیپ چیٹ استعمال کرنے والے صارفین زیادہ تر فلٹر کا استعمال کرتے ہیں اسی لیے اسنیپ چیٹ نے ایسا فلٹر متعارف کرایا ہے جو کوویڈ 19 سے متعلق حقائق اور افواہ سے آگاہ کرے گا۔
اسنیپ چیٹ کا یہ نیا فلٹر موذی وبا سے متعارف سوال پوچھتا ہے، جس کے جواب میں دو ہی آپشن ہوتے ہیں ایک حقائق اور دوسرا افواہ۔ صارف جیسے ہی کسی ایک جواب کا انتخاب کرتا ہے ویسے ہی فلٹر صحیح جواب بتا دیتا ہے۔
غیر ملکی خبر رساں ادارے کی رپورٹ کے مطابق اسنیپ چیٹ کی جانب سے اس نئے فلٹر کو کوویڈ 19 متھ بسٹنگ کا نام دیا گیا ہے اور میں درج کی گئی معلومات ورلڈ ہیلتھ آرگنائزیشن سے حاصل کردہ ہیں۔
خیال رہے کہ اس کے علاوہ متعدد سماجی رابطے کی ویب سائٹس اور پلیٹ فارمز کرونا وائرس سے متعلق پھیلائی گئی غلط معلومات کو ہٹا رہی ہیں وییں درست معلومات بھی صارفین کو فراہم کررہی ہیں۔
