اسلام آباد: حوالہ ہنڈی کے کاروبار میں ملوث ملک بھر کے بینکرز کے خلاف کارروائی شروع کر دی گئی۔
ذرائع کے مطابق ملک بھر کے 8 بینک منیجرز کے خلاف مقدمات کا اندراج کر لیا گیا۔ مقدمات اسلام آباد، کراچی، لاہور اور فیصل آباد میں درج کیے گئے۔
فیصل آباد سے ایک بینک منیجر ذیشان شوکت کو گرفتار کر لیا گیا جس سے 12 مختلف کمپنیوں کی اسٹیمپ برآمد کیے گئے۔ ملزم کے موبائل فون سے کروڑوں روپے حوالہ ہنڈی سے بھجوانے کا ریکارڈ بھی برآمد کر لیا گیا۔
ذرائع کے مطابق مختلف بینک منیجرز کے اکاؤنٹس کی تفصیلات بھی حاصل کر لی گئیں۔ ڈی جی ایف آئی اے نے تمام ایکسچینج کمپنیوں کی دفاتر کی مکمل چھان بین کا حکم جاری کر دیا۔
