The news is by your side.

Advertisement

صحافی اطہر متین کے قتل کیس میں گرفتار ملزم کے اہم انکشافات

کراچی : صحافی اطہر متین کے قتل کیس میں گرفتار ملزم اشرف نے ابتدائی تفتیش میں اہم انکشافات کرتے ہوئے کراچی سے ایک ہزار سے زائد موٹرسائیکلیں چھینے کا اعتراف کرلیا۔

تفصیلات کے مطابق صحافی اطہر متین کے قتل میں گرفتار اشرف سے ابتدائی تفتیش مکمل کرلی گئی، ابتدائی تفتیش سے یہ بات سامنے آئی ہے کہ ملزم گزشتہ پانچ سالوں سے موٹرسائیکل چوری چھینے کی وارداتیں کررہا ہے ۔

ابتدائی تفتیش میں بتایا گیا کہ ملزم کا گروہ کراچی سے موٹرسائیکلیں چوری اور چھینے کی وارداتیں کرتے اور بلوچستان لیجا کر فروخت کرتے تھے۔

ملزم اشرف کراچی میں پولیس مقابلے میں ایک بار زخمی ہو چکا ہے اور اب تک ہزاروں موٹرسائیکل چوری اور چھینے کی وارتیں کیں۔

دوران تفتیش پولیس نے سوال کیا کتنی موٹرسائیکلیں چھین چکے ہو ، جس پر ملزم اشرف نے بیان دیتے ہوئے بتایا کہ یاد نہیں کوئی ایک ہزار کے لگ بھگ چھینی ہوں گی یاد نہیں ۔

پولیس کا کہنا ہے کہ اشرف کے دو ساتھی کراچی میں مقابلے میں مارے گئے جبکہ ایک پولیس اہلکار بھی اشرف کے گروہ کے ساتھ مقابلے میں شہید ہوچکا ہے ، اشرف نے ساتھیوں کے مارے جانے کے بعد انور کو گروہ میں شامل کیا ،ملزمان بلوچستان سے کراچی آتے اور وارداتیں کرکے خضدار چلے جاتے تھے۔

اس سے قبل سنئیر صحافی اطہر متین شہید کا قاتل اور مرکزی ملزم انور حسین بروہی کراچی پولیس اور قمبر شہدادکوٹ پولیس کے مشترکہ آپریشن میں مارا گیا تھا۔

پولیس حکام نے بتایا تھا کہ ہلاک ملزم انور حسنی بروہی کے خلاف 13 مقدمات درج ہیں، ملزم کےخلاف بیشتر مقدمات موٹرسائیکل اور کارلفٹنگ کے ہیں جبکہ ہلاک ملزم پر زیادہ تر کیسز ڈسٹرکٹ سینٹرل اور ویسٹ میں درج ہوئے۔

Comments

یہ بھی پڑھیں