لاہور : اینٹی کرپشن نے محکمہ سوشل سیکیورٹی میں 3 کروڑ مالیت کے 2بیڈز خریدنے پر تحقیقات کا آغاز کردیا، ڈیمانڈ نہ ہونے سے قیمتی بیڈ اسٹور میں ناکارہ پڑے ہیں۔
تفصیلات کے مطابق محکمہ سوشل سیکیورٹی میں 3 کروڑ مالیت کے 2بیڈز خریدنے پر تحقیقات کا آغاز کردیا گیا۔
سابق ڈائریکٹر سمیت ڈپٹی ڈائریکٹرپرچیز اور بائیومیڈیکل انجینئر کو اینٹی کرپشن میں طلب کرلیا ہے، دستاویز میں بتایا کہ ملزمان نے سوشل سکیورٹی شاہدرہ کےنام پر بیڈز بیرون ملک سے درآمدکرائے۔
دستاویز میں کہنا تھا کہ سوشل سکیورٹی شاہدرہ نے مذکورہ بیڈز خریداری کی کبھی درخواست ہی نہ دی تھی، بیڈ برن یونٹ کیلئے منگوائے گئے مگر کوئی برن یونٹ موجود ہی نہیں۔
ذرائع اینٹی کرپشن نے کہا ہے کہ ڈیمانڈ نہ ہونے سے قیمتی بیڈ اسٹور میں ناکارہ پڑے ہیں۔
