اسلام آباد : وزیر داخلہ راناثنااللہ نے انکشاف کیا ہے کہ فیض حمید کے خلاف تحقیقات ہورہی ہیں ، آپ کو آگاہ کر دیا جائے گا۔
تفصیلات کے مطابق وزیر داخلہ راناثنااللہ نے میڈیا سے گفتگو میں انکشاف کیا کہ فیض حمیدکےخلاف تحقیقات ہورہی ہیں، جیسے ہی کوئی بات سامنے آئے گی آگاہ کر دیا جائے گا۔
صحافی نے رانا ثنا اللہ سے سوال کیا کہ سابق سربراہ آئی ایس آئی لیفٹیننٹ جنرل (ر) فیض حمید کا کورٹ مارشل کون کرے گا؟
وزیرداخلہ نے جواب دیا یہ کام وزارت داخلہ نہیں ادارے کا ہے۔
یاد رہے مسلم لیگ(ن)کی سینئرنائب صدر مریم نواز نے ویب چینل کوانٹرویو میں کہا تھا کہ فیض حمید نے دو سال مسلم لیگ (ن) کی حکومت گرانے اور چار سال عمران حکومت کی حمایت کے ذریعے ملک تباہ کرنے میں کردار ادا کیا۔
مریم نواز کا کہنا تھا کہ غیر آئینی کردار ادا کرنے پر لیفٹیننٹ جنرل ریٹائرڈ فیض حمید کا کورٹ مارشل کیا جائے اور انہیں نشانِ عبرت بنانا چاہیے تاکہ آئندہ کوئی اس قسم کی جرات نہ کرے۔
