بھارتی کرکٹ بورڈ کے صدر سارو گنگولی نے چیئرمین پاکستان کرکٹ بورڈ رمیز راجا کو انڈین لیگ کا فائنل دیکھنے کی دعوت دی ہے۔
پی سی بی کے چیئرمین رمیز راجہ کی بھارتی کرکٹ بورڈ کے صدر سارو گنگولی سے دبئی میں ملاقات ہوئی۔
یہ ملاقات ایشین کرکٹ کونسل کے ایگزیکٹو بورڈ میٹنگ کے موقع پر ہوئی۔
گنگولی نے رمیز راجہ کو آئی پی ایل کا فائنل دیکھنے کی بھی دعوت دی۔ رمیز راجہ دعوت کے باوجود آج ہونے والا آئی پی ایل کا فائنل نہیں دیکھیں گے۔
سابق کرکٹرز کےدرمیان غیر رسمی ملاقات خوشگوار ماحول میں ہوئی جس میں باہمی کرکٹ کی بحالی پر تبادلہ خیال کیا گیا۔
ملاقات میں ایشین بلاک کو متحرک کرنے پر بھی بات جیت ہوئی۔
