The news is by your side.

Advertisement

جنوبی افریقہ کے خلاف سیریز میں پچھلی غلطیاں نہیں دہرائیں گے، انضمام الحق

لاہور : قومی کرکٹ ٹیم کے چیف سلیکٹر انضمام الحق نے کہا ہے کہ بیٹسمینوں سے غلطیاں ہوئی ہیں تاہم جنوبی افریقہ کے خلاف سیریز میں وہ غلطیاں نہیں دہرائیں گے، شاداب خان اور فخر زمان بالکل انجرڈ نہیں ہیں۔

یہ بات انہوں نے لاہور میں میڈیا سے گفتگو کرتے ہوئے کہی، انضمام الحق نے کہا کہ پاکستان ٹیم کو نیوزی لینڈ کیخلاف سیریز0-3سے جیتنا چاہیے تھی، میچ کے دوران بیٹسمینوں سے غلطیاں بھی ہوئی ہیں تاہم جنوبی افریقہ کیخلاف سیریز میں وہ غلطیاں نہیں دہرائیں گے۔

امید ہے کہ بیٹسمین جنوبی افریقہ میں اچھی پرفارمنس دکھائیں گے، انہوں نے کہا کہ شاداب خان اور فخر زمان کو نیوزی لینڈ کیخلاف نہ کھلانے کا مقصد ان کو آرام دینا تھا کیونکہ ڈاکٹرز کا کہنا تھا کہ اگر آرام نہ دیا گیا تو انجری ہوسکتی ہے۔

ایک سوال کے جواب میں چیف سلیکٹر نے کہا کہ شاداب خان اور فخر زمان بالکل انجرڈ نہیں ہیں، پریکٹس میچ میں تمام16کھلاڑیوں کو نہیں کھلاسکتے، محمد عباس کو ڈاکٹرز نے آرام کا مشورہ دیا ہے، اب بھی باصلاحیت بیٹسمین موجود ہیں جو ٹیم کیلئے فائدہ مند ثابت ہوں گے۔

انضمام الحق نے مزید کہا کہ اس مرتبہ قومی ٹیم کے کئی کھلاڑی جنوبی افریقہ کا پہلا دورہ کررہے ہیں، ٹف کنڈیشن ضرورہیں لیکن ہارسے گھبرانا نہیں چاہیے، ٹیم کو دو ہفتے قبل اس لئے بھیجا گیا تاکہ کھلاڑی جنوبی افریقہ کی کنڈیشنز کو سمجھ لیں۔

Comments

comments

یہ بھی پڑھیں