جدید موبائل فون بنانے والی ڈیجیٹل الیکٹرانک کمپنی ایپل کی جانب سے رواں برس کے اختتام تک آئی فون 14 کو پیش کیے جانے کا امکان ہے، جس میں ممکنہ طور پر اپ گریڈ سیلفی کیمرا دیا جائے گا۔
تاہم آئی فون اب ایپل15 بھی متعارف کرا رہا ہے جس میں آئی فون 14 سے زیادہ بہتر اور جدید فیچرز موجود ہیں جس کے بعد یہ کہا جاسکتا ہے کہ ایپل 15 نے جدت اور سہولیات میں آئی فون14 کو بھی پیچھے چھوڑدیا۔
اس حوالے سے فوربس ڈاٹ کام نے "انسائیڈر لیکس” کے حوالے سے بتایا ہے کہ آئی فون 15 کے ڈیزائن میں اس سے بھی زیادہ جدید دیدہ زیب تبدیلیاں آنے والی ہے۔
آئی فون 14 اس سال لانچ ہوگا لیکن اس سے قبل ہی آئی فون 15 کے وہ فیچرز بھی سامنے آئے ہیں جس سے صارفین آئی فون 14 کے بجائے آئی فون 15 کا بے تابی سے انتطار کرنے لگے۔
انسائیڈر لیکس کے مطابق آئی فون 15 کے "نان پرو ماڈلز” ایپل کی لائٹننگ پورٹ کے ساتھ موجود رہیں گے جبکہ "آئی فون 15پرو ماڈلز” یو ایس بی سی پر چلے جائیں گے۔
یاد رہے کہ یورپی یونین کے فیصلے کے تحت تمام اسمارٹ فون مینوفیکچررز کو سال2024 تک یو ایس بی سی ہر صورت اختیار کرنے کا کہا گیا ہے لہٰذا ایپل کمپنی اس شرط پر بھی مکمل عمل درآمد کرے گی۔
اگرچہ ابھی تک ایپل نے آئی فون 14 کے حوالے سے آفیشلی طور پر کوئی وضاحت نہیں کی تاہم چہ مگوئیاں ہیں کہ ڈالرز کے بڑھتے ریٹ کے باعث اس کی پاکستانی قیمت ساڑھے چار لاکھ روپے سے زائد تک جانے کا امکان ہے۔
ستمبر2021 میں فروخت کے لیے پیش کیے گئے آئی فون 13 کی قیمت 700 امریکی ڈالر سے 1100 امریکی ڈالر تک رکھی گئی تھی اور اسے پانچ مختلف ماڈیولز میں پیش کیا گیا تھا۔
