The news is by your side.

Advertisement

آئی فون کی شاندار فیچر کے ساتھ آمد متوقع

کیلی فورنیا: موبائل فون بنانے والی سب سے بڑی کمپنی ایپل آنے والے ہینڈ سیٹ میں ایسا فیچر شامل کرنے جارہا ہے جس کی سہولت ابھی تک صارفین کو میسر نہیں تھی۔

تفصیلات کے مطابق ٹیکنالوجی پر نظر رکھنے والی ویب سائٹ کے مطابق ایپل آئندہ آنے والے سیٹ آئی فون 9 میں دو سم کارڈز کی سہولت دینے پر غور کررہا ہے، آئندہ آنے والے سیٹ میں صارفین دیگر موبائل کی طرح بیک وقت دو نمبر چلاسکیں گے۔

ایپل کی جانب سے ملنے والے اشاروں کی بنیاد پر ماہرین کا کہنا ہے کہ آئی فون کے آپریٹنگ سسٹم میں جو حالیہ فیچر شامل کیے گئے اُن کو مدنظر رکھتے ہوئے اس بات کو مزید تقویت ملتی ہے۔

قبل ازیں آئی فون میں دو سم کارڈز لگانے کی افواہیں گردش کرتی رہی ہیں جنہیں نہ صرف کمپنی نے مسترد کیا بلکہ ایسے تمام فون جعلی بھی نکلے۔

مزید پڑھیں: آئی فون 7، ’نو سروس‘ فالٹ کی تصدیق، ایپل فونز کا نقصان کے ازالے کا اعلان

واضح رہے کہ یہ پہلی بار نہیں ہوا کہ نئے آنے والے فون یا سافٹ ویئر کی تفصیلات افشاں ہوگئیں، اس سے قبل بھی کئی فونز ایسے آئے جن کے بارے میں تمام معلومات صارفین تک پہنچ چکیں تھیں۔

علاوہ ازیں ماہرین کے ذرائع اس بات کی بھی تصدیق کررہے ہیں ممکنہ طور پر ایپل کے نئے آنے والے فونز میں وائرلیس چارجنگ اور ایئر پورڈز کی سہولت بھی صارفین کو دی جائے گی۔

ایپل کی جانب سے صارفین کو متاثرین کرنے کے اقدامات گزشتہ برس کے بعد سے خصوصی طور پر کیے گئے کیونکہ مطابق گزشتہ سال دسمبر میں آئی فون صارفین نے شکایت کی تھی کہ ایپل کی جانب سے نئے موبائل سیٹ مارکیٹ میں فروخت کے لیے پیش کیے جانے کے بعد اُن کے پرانے موبائل کی رفتار سست ہوگئی۔

اس ضمن میں ایک صارف نے بلاگ بھی تحریر کیا تھا کے جس بعد ایپل کے پرانے فونز سے متعلق ایک نئی بحث کا آغاز ہوگیا تھا، صارف کا کہنا تھا کہ اس کے زیر استعمال سیٹ ’آئی فون 6‘ اچانک سست ہوگیا۔

یہ بھی پڑھیں: ایپل کمپنی فولڈ ایبل آئی فون متعارف کرائے گی

اس تمام تر صورتحال کے بعد آئی فون انتظامیہ نے خود اس بات کا اعتراف کیا تھا کہ وہ جان بوجھ کر پرانے موبائل کی رفتار کو کم کرتی ہے کیونکہ پرانے فونز میں لگائی جانے والی بیٹریاں وقت کے ساتھ ساتھ کمزور پڑ جاتی ہیں جبکہ صارفین ان کی معیاد کو بڑھانے کے لیے مختلف حربے استعمال کرتے ہیں۔

آئی فون کی جانب سے انکشاف کے بعد ایپل کے خلاف مقدمات بھی درج کیے گئے جبکہ بڑے پیمانے پر اس کی فروخت میں کمی بھی آئی تھی جس کے بعد کمپنی نے صارفین کی دوبارہ توجہ حاصل کرنے کے لیے خصوصی اقدامات کیے تھے۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

comments

یہ بھی پڑھیں