بنگلور: اپیل کمپنی کی جانب سے آئی فون کی تیاری کے لیے بھارتی ریاسٹ کرناٹک میں پیداواری یونٹ لگائے جانے کا امکان ہے۔
برطانوی نشریاتی ادارے کے مطابق بھارتی ریاست کرناٹک میں ایپل کمپنی کی جانب سے آئی فون کی پیداواری یونٹ لگائے جانے کا امکان ہے، اس ضمن میں مقامی حکومت کا کہنا ہے کہ ایپل کرناٹک میں فون کی تیاری کا کام اپریل سے شروع کرے گی۔
اپیل اتنظامیہ کی جانب سے اس منصوبے کی باضابطہ تصدیق نہیں ہوئی تاہم منتظمین کا کہنا ہے کہ بھارت میں صارفین کی تعداد کو دیکھتے ہوئے بڑی سطح پر سرمایہ کاری کا ارادہ ہے۔
کرناٹک کے آئی ٹی منسٹر یانک کھرج کے غیر ملکی خبررساں ادارے سے بات کرتے ہوئے کہا کہ ’’ریاست میں سرمایہ کاری کے حوالے سے اپیل کے ساتھ معاملات جاری ہیں اور توقع ہے کہ اپریل سے کرناٹک میں آئی فون کی تیاری شروع ہوجائے گی‘‘۔بھارتی میڈیا میں یہ باتیں زیر گردش ہیں کہ آئی فون کی تیاری کے حوالے سےتائیوان کی ایک کمپنی پلانٹ تیار کررہی ہے۔
بھارت میں مہنگائی کی شرح بلند ہونے کے باوجود مہنگے موبائل کی فروخت میں اپیل کی مارکیٹ بہترین تصور کی جاتی، بھارت میں آئی فون کی قیمت 450 امریکی ڈالر سے شروع ہوتی ہے تاہم اس میں مسلسل اضافہ دیکھنے میں آیا۔
