آئی پی ایل 2025 میں فاسٹ بولر شردل ٹھاکر نے ناپسندیدہ ریکارڈ بنا دیا۔
شردل ٹھاکر نے کولکتہ نائٹ رائیڈرز اور لکھنؤ سپر جائنٹس کے میچ کے دوران لیگ کی تاریخ میں اب تک کا سب سے طویل اوور کروا دیا۔
گیارہ گیندوں کا اوور آئی پی ایل کی تاریخ میں اس طرح کا تیسرا واقعہ بن گیا ہے۔
سیزن میں ایل ایس جی لائن اپ میں محسن خان کی جگہ لینے والے ٹھاکر نے کے کے آر کے رن کے تعاقب میں 13واں اوور کروایا۔
اس اوور میں ٹھاکر نے اپنی پہلی پانچ گیندوں میں پانچ وائیڈز کیے۔
اس سے قبل تشار دیش پابنڈے نے چنئی میں ایل ایس جی کے خلاف اسی طرح 11 گیندوں کا اوور کروایا تھا اور محمد سراج نے 2023 میں بنگلورو میں ممبئی انڈینز کے خلاف بھی ایسا ہی کیا تھا۔
اس اوور کے باوجود ٹھاکر نے اجنکیا رہانے کو 61 رنز پر آؤٹ کرکے اوور ختم کیا اور انہوں نے اپنے اوور میں 13 رنز دیے۔
ٹھاکر نے اس کے بعد اپنے اگلے اوور میں ایک اور وکٹ حاصل کی، آندرے رسل کو صرف سات رنز پر آؤٹ کیا اور چار اوور میں 52 رنز دے کر 2 وکٹیں لیں۔
