بھارتی شہری نے آئی پی ایل کی سب سے کامیاب ٹیم چنئی سپر کنگز پر مستقل بنیادوں پر پابندی لگانے کا مطالبہ کیا ہے۔
بھارتی میڈیا کے مطابق اس وقت مقامی سوشل میڈیا پر آئی پی ایل فرنچائز اور پانچ بار کی ٹورنامنٹ چیمپئن چنئی سپر کنگز تنقید کی زد میں ہے اور اس پر مستقل پابندی بھی عائد کرنے کا مطالبہ سامنے آیا ہے۔
رپورٹ کے مطابق چنئی سپر کنگز (سی ایس کے) پر ہونے والے تنقید چنئی سپر کنگز کے فاسٹ بولر خلیل احمد ہیں جن پر میچ کے دوران بال ٹمپرنگ کا الزام عائد کیا گیا ہے۔
سی ایس کے نے ممبئی انڈیز کے خلاف چار وکٹوں کی فتح سے آئی پی ایل 2025 میں اپنی شروعات کی ہیں۔ تاہم اس فتح کو بائیں ہاتھ کے فاسٹ بولر خلیل احمد پر لگنے والے بال ٹمپرنگ کے الزام نے گہنا دیا ہے۔
خلیل جس نے اس میچ میں تین وکٹیں لے کر اپنی ٹیم کی جیت میں کردار ادا کیا۔ تاہم بولر کی اپنے کپتان رتوراج گائیکواڑ کے ساتھ ان کی گفتگو کو دیکھ کر ان پر بال ٹیمپرنگ کا الزام لگایا جا رہا ہے۔
سوشل میڈیا پر وائرل ہونے والے ایک کلپ میں خلیل کو دوسرے ہاتھ میں گیند پکڑتے ہوئے اپنی جیب سے کچھ نکالتے ہوئے دیکھا جا سکتا ہے۔ ایسا لگتا ہے کہ وہ یہ چیز کپتان رتوراج کو دے رہے ہیں۔
یہ ویڈیو دیکھنے کے بعد مداح دونوں پر بال ٹیمپرنگ کا الزام لگا رہے ہیں۔ کیون نامی ایک صارف نے تو ایک بار پھر فرنچائز پر پابندی کا مطالبہ کر دیا ہے۔
کیون نے شائقین کرکٹ کو سی سی کے پر 2016 اور 2017 میں ٹیم کے مالک کی جانب سے سٹے بازی کی سرگرمیوں میں ملوث ہونے کی وجہ سے لگائی گئی 2 سالہ پابندی کی یاد دہانی کراتے ہوئے اب چنئی سپر کنگز پر مستقل پابندی لگانے کا مطالبہ کیا ہے۔
ایک اور صارف نے ایک اکاؤنٹ پر بی سی سی آئی سے اس پورے معاملے کی تحقیقات کرنے کا مطالبہ بھی کیا ہے۔
واضح رہے کہ دھونی اپنی قیادت میں آئی پی ایل کی تاریخ میں اپنی ٹیم کو ریکارڈ 5 بار چیمپئن بنوا چکے ہیں۔ تاہم انہوں نے 2023 میں اپنے گھٹنے کی سرجری کروانے کے بعد کپتانی چھوڑ دی تھی۔
